Analiza
më e mirë për ngjarjet e 16 e 17 marsit
Shkruan:
Nexhmedin SPAHIU*
-A
do të digjeshin kishat dhe fshatërat serbe sikur ato t’i
ruante TMK-ja siç ka kërkuar shumë kohë më
parë
-Fakti
se dhuna në Kosovë në mediat ndërkombëtare
dhe Këshillin e Sigurimit të OKB-së po konsiderohet
si dhunë ndëretnike është vetëm një
rezultat i maskimit të sukseshëm të problemeve reale
në Kosovë nga ana e UNMIK-ut.
Paralajmërimi I revoltës në bazën e KFOR-it
Shpërthimi
i dhunës në Kosovë për shumëkënd ishte
një befasi por jo edhe për përcjellësit e vëmendshëm
të rrjedhave në Kosovë.
Një
javë para shpërthimit të protestave të
fundit në Kosovë isha i ftuar në kampin e KFOR-it
në Maxhunaj për të mbajtur një ligjeratë
para përfaqësuesve të të gjithë sektorëve
të KFOR-it së bashku me kolegun serb Zoran Vllashkoviq.
Në fund të fjalimit tim deklarova mospajtimin tim me fjalimin
hyrës të Gjeneralit Francez Xavier Michael, i cili tha
se KFORi do të jetë përkrah UNMIK-ut në çdo
situatë. Thashë se kjo gjë nuk do të ishte e
këshillueshme pasiqë KFOR-i gëzon një respekt
në Kosovë si një instrument sigurie, ndërsa
UNMIK-u e ka shpenzuar kredibilitetin e tij para qytetarëve
të Kosovës për shkak të menagjimit tejet të
dobët politik e administrativ të Kosovës. Mosidentifikimi
i KFOR-it me UNMIK-un do të kanalizojë pakënaqësinë
e qytetarëve të Kosovës në drejtimin e kërkesave
për një qeverisje më të mirë. Tek e fundit,
UNMIK-u në Kosovë nuk është as më pak as
më shumë se një qeveri reale e Kosovës dhe si
shumëkund në botë është normale të
jesh i pakënaqur me qeverisjen e një administrate të
caktuar.
Mëkatet
e UNMIK-ut
Janë
shumë gjëra me të cilat UNMIK-u ka shkaktuar pakënaqësinë
e qytetarëve të Kosovës:
1.Mosefikasiteti në zbulimin e krimit, ku UNMIK-u mban të
gjitha kompetencat.
2.Moszhvillimi ekonomik, stopimi I privatizimit, keqadministrimi
I ndërmarrjeve publike dhe korrupsioni në to (KEK-u PTK,
„Trepçë“ etj.) e për më keq venitja
e shpresës për një zhvillim.
3.Poshtërimi që UNMIK-u u bënë publikisht politikanëve
të zgjedhur kosovarë dhe shoqërisë civile kosovare
ku arroganca është tipari më i shpeshtë si përgjigjie
në kërkesat e tyre,
4.Dhe së fundit, ofrimi i opcioneve jo korrekte për
zgjidhjen e problemeve politike, ku merren në konsideratë
rezultatet e dhunës, spastrimeve etnike etj. siç ishte
ideja për bashkimin e veriut të Mitrovicës Komunës
së Zveçanit bërë nga një organizatë
joqeveritare e promovuar nga UNMIK-u.
Fakti se dhuna në Kosovë në mediat ndërkombëtare
dhe Këshillin e Sigurimit të OKB-së po konsiderohet
si dhunë ndëretnike është vetëm një
rezultat i maskimit të sukseshëm të problemeve reale
në Kosovë nga ana e UNMIK-ut. Në fakt, derisa provokimet
serbe ndaj shqiptarëve ishin dhe janë pasojë e veprimeve
të Beogradit për destabilitet në Kosovë për
arsye të thjeshtë të pazarit politik rreth statusit
të ardhshëm të Kosovës, sulmet e shqiptarëve
ndaj serbëve janë një pasojë e konfliktit mes
popullsisë shumicë të Kosovës dhe UNMIK-ut.
Pjesëtarët e UNMIK-ut për të mbuluar hajnitë
e veta kanalizuan revoltën në drejtim të serbëve.
Fakti se pse kjo paknaqësi u shfaq rrufeshëm ka të
bëjë me skrupullin. Pakënaqësia e qytetarëve
të Kosovës është grubulluar gradualisht por
në kulturën e këtij populli është që
miku tolerohet derisa ai tejkalon çdo masë. Kur e kalon
pikën kritike atëherë i gjithë pezmi shprehet
përnjëherë dhe në mënyrë të pakontrolluar.
Mitrovica
– vendi që gjeneron proceset politike në Kosovë
Nëse
duam ta dijmë gjenezën e këtyre trazirave atëherë
duhet studiuar rasti i Mitrovicës, vendi ku filluan ato.
Mitrovica është dështimi më i madh i UNMIK-ut
në çdo aspekt. Këtu edhe ikin nga burgu të
akuzuarit për krime lufte edhe nuk i paraqiten interpolit.
Ndodhë masakri i 2 Shkurtit 2000 ku vriten 14 qytetarë
e plagosen me dhjetra dhe askush nuk dënohet. Zëdhënësi
I UNMIK-ut në Mitrovicë mbanë qëndrime ekstremisht
proserbe dhe shumica e gazetarëve shqiptarë bashkëpunojnë
me të gjithë kolegët e tyre serbë por jo me
të si turboserb. Administratorja e UNMIK-ut paraqitet në
mediat serbe në komunat fqinje dhe flet në gjuhën
serbe, por kurrë në mediat në gjuhën shqipe
në komunën që administron. Çdo iniciativë
ekonomike stopohet me arsyetimet e “politikës nga lart”.
Papunësia kalon 80%.
Krerët komunalë të zgjedhur në mënyrë
demokratike në zgjedhjet e organizuara nga UNMIK e OSBE njohtohen
permes mediave se u heqet nga kompetenca gjysma e territorit të
komunës e cila I ka zgjedhur (Urdhëresa Administrative
2002/26 e PSSP Steiner).
Kulmi i gjithë kësaj arrihet me mbytjen e tre fëmijëve
në lumin Ibër dhe mospërpjekjeve të menjëherëshme
për zbardhjen e krimit. Ishte jashtë çdo morali
të thuhet se nuk dihet nëse dikush i ka frikësuar
fëmijët apo jo, kur nuk kishte asnjë fakt që
do të kundërshtonte deklaratën e fëmiut të
katërt i cili i shpëtoi vdekjes. Kjo gjë ishte irituese
për shkakun se jepte të kuptohej se edhe ky rast nuk do
të zbardhej si gjitha rastet e tjera.
Këto ishin arsye të forta për të protestuar
qetë para UNMIK-ut nën një organizim spontan të
nxënësve të Gjimnazit dhe më pas gjithë
qytetarëve. Mjaftoi një sjellje e patakt e forcave të
sigurisë që protesta të merrte kahje të padëshiruar.
Përse
u dogjën kishat që i ruajtëm me shekuj?
Shtrohet
pyetja: nëse pezmi I qytetarëve të Kosovës ishte
I drejtuar kundër UNMIK-ut përse atëherë u dogjën
kishat serbe të cilat nuk I ka ngacmuar kush gjatë sundimit
500 vjeçarë Otoman ku shqiptarët kishin pushtet
ose gjatë të dy luftërave botërore ku shqiptarët
poashtu kishin pushtet. Kjo nuk ndodhi as gjatë luftës
së fundit. Arsyeja është shumë e thjeshtë:
Kishat u dogjën pikërisht ngase shqiptarët në
Kosovë nuk kanë pushtet.
Gjëja më normale do t’ishte t’i mbronte TMK-ja
ose SHPK-ja, por kjo nuk ndodhi. Jo sepse nuk kishte vullnet dhe
fuqi fizike nga ana e SHPK-së dhe TMK-së, por sepse
atyre u kishin caktuar detyra tjera. Madje edhe kur TMK-ja ka kërkuar
t’I mbrojë kishat sërbe kjo nuk u është
lejuar.
Do t’ishte normale që liderët politikë të
dilnin para turmave që të ndalonin djegien e kishave,
por atyre u janë ngrehur veshët me kohë që të
jenë të disciplinuar dhe të mos ndërmarrin iniciativa
politike sepse në të kundërtën merr fund kariera
e tyre politike.
E pra cilat forca të organizuara, nëse jo politikanët,
TMK-ja, SHPK-ja do t’i mbronte kishat dhe serbet?
Shoqëria
civile
Cili
do t’ishte ai heroj I cili do ta bënte detyrën që
nuk e bëri policia e UNMIK-ut dhe KFOR-i. Shoqëria civile?
E si ta dija unë që policia e KFOR-i nuk e kanë ndërmend
t’I mbrojnë kishat serbe dhe serbët. A ta ruaja
Radio dhe Televizionin tim nga policët e UNMIK-ut që e
gjuanin me granata tymuese studiot e tij nw katin e 12-të për
ta paaftësuar atë për transmetim.
Këtë të dielë, d.m.th. tri ditë para protestave
I shoqërova dy gazetarë serbë nga ura e Ibrit për
në Kishë dhe anasjelltas. Rrugës duke kaluar shumë
adoleshentë shqiptarë I përshendetnin ata duke u
bërë të ditur se I kanë parë në TV
Mitrovica disa netë më parë. Asnjë fyerje, asnje
sharje, asnjë shikim I vëngër. Prifti serb u gëzua
që dy besimtarë të tij po I vinin në kishë
pa përcjellje të KFOR-it. U tregoi priftërinjëve
të tjerë për gjestin tim duke shtuar se dy vjet më
parëI kam sjellur në këtë kishë Pjetër
Arbnorin, Arian Starovën dhe Kryeministrin Bajram Rexhepi.
Kur dolëm nga kisha disa adoloshentë shqiptarë po
komunikonin me gazetarët serbë krejt normal.
Katër ditë më pas, po kësaj kishe I është
vënë zjarri nga adoloshentët shqiptarë që
shumicën e kohës e mplakin duke luajtur Counter Strike
nëpër Internet kafetë e qytetit derisa paqëruajtësit
e KFOR-it nuk bënë ndonjë përpjekje serioze
për ta mbrojtur atë. Tani shumica e qytetarëve
të Mitrovicës turpërohen nga kjo ngjarje dhe fajsojnë
ndërkombëtarët pse mundësuan këtë
turp për të na sjellur deri të copëtimi I Kosovës.
Njëri nga ndërkombëtarët me shpoti u përgjigj:
nëse ne ua paskëshim mësuar rrugën se si t’I
digjni kishat, ju pse e bëtë këtë? Përgjigjia
është se në çdo shoqëri gjenden ata që
punojnë keq, por niveli I një shoqërie matet me mekanizmat
që ka krijuar ajo shoqëri për ta shtypur të
keqën.
A ishte ky vullnet i shumicës shqiptare që të digjeshin
kishat serbe? Përgjigjia është jo. Përse nuk
I mbrojtën ato? Përgjigjia është sepse UNMIK-ua
degradoi gjithë mekanizmat që do të mund t’i
mbronin ato, ndërsa vet nuk I mbrojti për të mbuluar
hajnitë e veta dhe për ta arsyetuar dobësinë
e vet me demek me egërsinë e fiseve që duan t’I
djegin kultet fetare njëri tjetrit.
Në fund, kush humbi e kush fitoi? Humbën më së
shumëti shqiptarët e Kosovës. Rrezikun më të
madh për fatin e Kosovës: Copëtimin e Kosovës,
e rritën në maksimum. Shqiptarët e Kosovës e
patën numrin më të madh të viktimave. Humje
të madhe pësoi edhe komuniteti serb I Kosovës, dorën
në zemër shumë më pak viktima se sa shqiptarët
por humbi shpresën edhe ashtu të vogël për të
jetuar në një Kosovë të përbashkët.
Humbi ajo pjesë e bashkësisë ndërkombëtare
që përpiqet për paqë e stabilitet e korrektësi
në botë. Fitues do t’ishte Beogradi sikur mos të
bënte autogol duke djegur xhamitë në Beograd e Nish.
Kështu përfundimisht, të vetmit fitues ngelën
hajnat e të gjitha përkatësive, më së shumëti
ata ndërkombëtarë.
*Autori
është analist politik dhe drejtor i RTV Mitrovicës
Marrë nga gazeta Shekulli : www.shekullicom.al
|