Nën pushtetin e mafies

Nga Gavrosh Levonja

Vrasja e kryeministrit te Serbise Zoran Xhinxhic, e beri teper te prekshem realitetin qe ekziston ne pjesen me te madhe te ish-diktaturave komuniste, lidhur me faktin se kush e zoteron dhe e ushtron ne te vertete pushtetin ne keto vende. Me te vertete, nese do te germohej fare pak, duke depertuar pertej fasades demokratike, te zbukuaruar me emra partish te shumta politike, slogane properendimore, angazhime per t'u bere si Evropa, etj, do te shikohej qarte se te gjitha fijet e lidhura me pushtetin, ndodhen ne duart e nje mafie te fuqishme, perfaqesuesit e se ciles jane krijesa te regjimeve komuniste, ne aparence te permbysura. Konkretisht, sipas versioneve te para zyrtare, organizatoret dhe ekzekutoret e atentatit qe i kushtoi jeten Zoran Xhinxhicit ishin kapo te nje klani te fuqishem mafioz ne Serbi, i cili ishte i lidhur ngushte me regjimin e kaluar. Dhe, atentati kunder Xhinxhicit, duke mos lene menjane dhe perpjekjen e deshtuar te 21 shkurtit per te inskenuar nje aksident automobilistik, u krye vetem pak kohe pasi Xhinxhic kishte shpallur kryqezaten kunder krimit te organizuar ne Serbi. Duke i pare ne nje optike te tille zhvillimet e dymbedhjete viteve te pluralizmit ne Shqiperi po te flasesh me gjuhen e fakteve do te konkludosh se pushteti real ndodhet ne duart e disa klaneve te cilet e kane origjinen nga pushteti i kaluar. Ndersa ne ato dite te stuhishme te fundvitit 1990, shumica e shqiptareve e kishin mendjen tek mitingjet e opozites duke shkuar pas Azem Hajdarit e Berishes, klasa qe po pergatitej te leshonte pushtetin politik, me kohe kishte krijuar terrenin qe pushteti ekonomik te mbetej ekskluzivisht ne duart e saj. Ne kete perpjekje te saj ajo do te kishte dhe mbeshtetjen e fuqishme te mafies rajonale, duke shfrytezuar lidhjet e vjetra shumevjecare. Keshtu, biznesmenet e pare te Shqiperise postkomuniste, me ndonje perjashtim, do te ishin te gjithe ish-kuadrovike te PPSH-se ose te strukturave shteterore te saj periudhe, njerez te sigurimit dhe te tjere te lidhur me ta. Te njejtet kontigjente do te kishin ne duart e tyre dhe fijet e kontrabandes e cila lulezoi fillimisht me duhanin per te arritur shume shpejt tek droga, shitja e femijeve dhe prostitucioni. Ne te njejten kohe, edhe "investitoret" e ardhur nga jashte nuk ishin tjeter pos disa individeve te dyshimte, miq te nomenklatures komuniste. Ndersa Qeveria e Stabilitetit, e krijuar ne fillim te veres se vitit 1991 do te kontribuonte hapur ne sherbim te nje misioni te tille per ruajtjen dhe konsolidimin e pushtetit ekonomik, edhe gjate qeverisjes se PD-se, ekonomine shqiptare do ta dominonin firmat e kompanite e drejtuara nga ish-apartaciket dhe sigurimsat. Mafia e krijuar gjate kesaj kohe, do te vazhdonte t'i ruante te paprekura privilegjet e veta edhe duke nxitur korrupsionin e ministrave te PD-se. Sa per Berishen, ky ne vend qe te ngulmonte ne hetimin e origjines se kapitaleve te njerezve te biznesit, ne vend qe te mbante hapur fletoret e llogarive te pushtetit temeparshee, e gjeti me komode te merrej me disa pleq si Haxhi Lleshi e Shefqet Peci apo me perdet dhe kafete e Nexhmije Hoxhes. Kjo mafie, e cila do te fuqizohej dita-dites, nuk do te vonte qe ta vinte dhe pushtetin politik nen komanden e saj. Praktikisht politikanet e sotem, shumica e tyre, mund te konsiderohen vetem si aksionere ne aferat e klaneve qe kontrollojne ekonomine e vendit, si formale, ashtu dhe ate informale. Dhe, ne kete drejtim nuk bejne perjashtim dhe politikane te opozites. Jane pikerisht keto lidhje qe cojne ne paralizimin e luftes kunder trafiqeve dhe krimit te organizuar. Te ndergjegjshem per nje realitet te tille, institucionet e shtetit amerikan po i meshojne dita dites domosdoshmerise lidhur me eliminimin e dukurive te mesiperme. Kjo sepse, pa nxjerre jashte loje kete "mafie te kuqe", sfida e permbysjes se komunizmit do te mbetet nje mision i paperfunduar.

Marrë nga " Koha jonë "