2004
në Shqipëri me dy parti socialiste?
Shkruan: Iliriana BAJO
Zëvendëskryeministri
dhe ministri i jashtëm i Shqipërisë Ilir Meta dha
dorëheqjen nga qeveria, vetëm tre muaj para zgjedhjeve
lokale të 12 tetorit, për të cilat shumica e qytetarëve
dhe politikanëve besojnë se do të pranohen nga të
gjithë, pas një disa zgjedhjesh vendore apo të përgjithshme
të papranuara nga të gjithë faktorët politikë.
Dorëheqja
u shoqërua dhe po pasohet ende nga deklarata të ashpra
mes ish shefit të diplomacisë së Shqipërisë,
Meta dhe kryeministrit aktual Nano.
Në
rrugët e Shqipërisë, duke përjashtuar selitë
e socialistëve, dorëheqja nuk tërhoqi interes të
posaçëm dhe kjo jo thjesht nga temperaturat e larta
të kësaj vere.
Konflikt
interesash apo konflikt parimesh
Konflikti
Nano-Meta është i vjetër thuajse që nga koha
kur të dy u bënë protagonistë në selinë
rozë. Si Nano dhe Meta kanë synuar të ishin përfaqësues
të socialistëve reformatorë dhe gjatë dhjetë
vjetëve të fundit janë përplasur shumë
herë duke u vendosur, në rastin më të mirë,
në pozicione të ndryshme.
Nano
dhe Meta kanë mbështetësit e tyre në Partinë
Socialiste, një pjesë e të cilëve mbështesin
njërin apo tjetrin për parapëlqime vetjake, ndërsa
në grupin e dytë të mbështetësve hyjnë
ata që lidhen me Nanon apo Metën për shkak të
interesave të caktuara ekonomike. Ky grup mbështetësish
i ka bërë dhe aleancat politike me Nanon apo Metën
bazuar në interesat përkatëse financiare.
Vetëm
bazuar në këto interesa shpjegohet "pajtimi"
mes të dyve pas fushatës së Nanos për të
rrëzuar qeverinë Meta dy vjet më parë. Fushata
e Nanos u mbështet në shkeljen e parimeve nga qeveria
Meta e asaj kohe, korrupsioni dhe personalizimi i pushtetit.
Pas
një fushate që kujtohet për batutat e Nanos kundër
drejtuesve dhe ministrave socialitë, Ilir Meta largohet nga
detyra e kryeministrit, për t'ja lënë vendin një
qeverie të re Nano. Në fakt Meta, ndonëse u akuzua
për korrupsion, shkelje dhe mosqeverisje të shendetshme,
morri sërish postin e numrit dy të qeverisë dhe atë
të shefit të diplomacisë.
Nano
nën mbulesën e sjelljeve kalorsiake në fakt kërkonte
të qetësonte Metën dhe mbështetësit e tij
në parti duke i ofruar disa poste qeveritare, pavarësisht
ironisë dhe fyerjeve drejtuar tyre gjatë lëvizjes
për katarsis.
Meta e pranoi detyrën për të mbetur pranë qendrave
vendimmarrëse të qeverisë dhe njëherësh
për të dëshmuar se pavarësisht të gjithave
Nano kishte nevojë për Metën dhe atë që
ai përfaqeson brenda selisë rozë.
Ky
pakt kënaqi për disa kohë të dyja palët.
Por duke qenë se qeverisja e Nanos ka pasur si element të
suksesshëm vetëm pjesën spektakolare të saj
dhe duke i shtuar kësaj faktin se në fund të vitit
është kongresi i Partisë Socialiste, Meta mendoi
se ishte koha e përshtatshme të riaktivizonte konfliktin.
Akuzat
e Metës bazohen tashmë në arritjet e munguara të
qeverisjes Nano dhe personalizmin maksimal të pushtetit nga
Nano.
Ulje
- ngritjet në mardhëniet Nano - Meta në fakt kanë
mësuar publikun t'i shohin ato si përplasje interesash
dhe personalitetesh, dhe jo si konflikt mes të moralshve dhe
të pamoralshve.
A do çojë konflikti mes individëve në ristrukturim
të PS-së?
Pas
një dekade bashkëjetese Fatos Nano dhe Ilir Meta kanë
vendosur të vendosin pikat mbi i. Konflikti i fundit do të
jetë i vështirë të mbyllet me kompromis dhe
kjo për faktin e thjesht se posti i kryetarit të partisë
është vetëm një dhe nuk mund të ndahet
mes të dyve.
Nga
ana tjetër ka ardhur koha që as Nano dhe as Meta nuk do
të lëshojnë pe.
Vazhdimi i konfliktit, i cili pritet të arrijë kulmin
në kongresin e PS-së në fund të këtij viti,
do përcaktojë të ardhmen e socialistëve në
Shqipëri.
Këtë
ide e forcon dhe më shumë fakti se Meta ka ndërmarrë
një numër takimesh në bazë. Madje jo rastësisht
i ka nisur takimet në Shkodër.
Ndërkaq
kryeministri Nano ka zgjedhur tjetër rrugë për të
luftuar Metën. Ka shkuar me pushime në bregdetin spanjoll,
nga ku ka dhënë një morri urdhërash për
të goditur disa nga njerëzit e metës, apo institucione
që nuk llogariten në mesin e besnikëve.
Në
fakt në krizën e para dy viteve kur Nano largoi Metën
nga detyra e kreut të qeverisë ebëri në emër
të parimeve morale, nag të cilat nuk ka mbetur më
as hija, si dhe me një martesë të re të përdorur
mrekullisht mirë për të arritur qëllimin.
Nuk
dihet se cfarë i mbetet Nanos të bëjë, për
më tepër që atij i duhet ky post përpos të
tjerash dhe për të vazhduar t'i mbajë mbyllur gojën
ish kreu të SHIK-ut, Klosit, lidhur me bashkëshorten e
tij.
Beteja
Nano-Meta pritet të jetë e ashpër, madje më
e fortë se ajo me opozitën, e cila mbetet ende epërhumbur
dhe e paqartë në strategjitë e saj.
Nëse
Shqipëria do krijojë dy parti socialiste në fillim
vitine ardhshëm, atëherë kjo do jetë e para
thyerje e madhe e komunistëve shqiptarë, të cilët
me emra të ndryshëm kanë në skenë mbi 60
vjet.
|