Pse u dashka dorëzuar armët në IRJM!?

Shkruan: Drilon KORABI

Në IRJM filluan «koncertet» për të «bindur» popullatën për të dorzuar armët. «Koncerte» më shumë po organizojnë trioja Ahmeti-Buxhaku-Ostreni të BDI, ish-luftëtarët e UÇK-së, të shndrruar në «qengja» të butë, që e thëthijnë edhe «nënën Maqedoni» edhe «faktorin nderkombëtar». Kjo trio s’e çan kokën për kritikët, të cilët thonë se ajo, sakrificat dhe gjakun e derdhur të shqiptarëve në konfliktin e 2001-shit i ktheu thjesht në një përfitim personal, për të fituar një kolltuk të butë dhe riatdhesimin, pasi kishin nje kohe të gjatë në mërgim. Në vend se ta ballafaqojnë kritikën, ata po tundin me të madhe «flamurin» e çarmatimit të shqiptarëve.

E theksojme: vetëm të shqiptarëve! Duket sikur sllavomaqedonët nuk kanë asnjë armë. Ata kanë armë dhe askush nuk do kujtohet t'ua marrë, pa çka se kanë edhe sovranitetin e shtetit, pa çka
se kane ushtri dhe polici të tyren, pa çka se për t'i «mbrojtur» ata nga shqiptarët, janë futur dhe veprojne ditën me diell forca ushtarake ukrahinase, bullgare, ruse dhe serbe. Këto nuk i sheh trioja Ahmeti-Buxhaku-Ostreni.

Në sytë e shumëkujt, kjo trio po luan rolin e Rankoviçit ne kohen e vet në Kosovë, politikë e cila arriti që para se t'i shperngulte masivisht nga trojet e veta shqiptarët, para se t'i gjenocidonte, helmonte, vriste masivisht dhe t'i nênshtronte tragjikisht, i çarmatosi ku me «koncerte», e ku me mjete te egra dhune.

Pse u dashka t'i dorzojnë armët vetëm shqiptarët në IRJM!? Ata janë të okupuar dhe të kolonizuar në trojet e veta. Ata çdo ditë ndeshen me egersinë e një pushteti i cili eshte armik i betuar i tyre. Shqiptarët ende kanë mbetur qytetarë të rangut të dytë në IRJM, megjithse jetojnë në trojet e veta etnike. Qytetarë të dorës së pare aty po mbeten pushtuesit e tyre, sllavomaqedonët. Në këtë situatë, kritikët e kanë lehtë të pohojnë që Ali Ahmeti dhe Agron Buxhaku, për t’i ruajtur tulet e veta nga trysnia e frika që ju kalli faktori nderkombëtar me Gjyqin e Hagës, po e sakrifikojnë një popull të tërë shqiptar dhe interesat e tij më jetike.

Pse duhet t'i dorzojnë armët vetëm shqiptarët!? T'i dorzojnë që t'u shkojë ende ushtria dhe policia sllavomaqedonase dhe t'i maltrajtojë dhe t'i vrasë, si bëri në Vaksin e Brez? Apo t'i dorzojnë për të qëndruar duarlidhur kur t'u digjen shkollat si në Manastir, Shkup etj? T'i dorzojë armët që
të vazhdojnë vandalet e nxitur nga pushteti maqedonas t'u rrezojnë simbolet e kulturës kombëtare, si bënë në Tetovë me Naim Frashërin tone të shenjtë?

Andaj, s’është për t’u habitur pse ekziston një skepticizëm i rrënjosur te shqiptarët kundër çarmatimit. Madje AKSH ka porositur haptazi se shqiptarët do të bënin krimin më të rendë kombëtar, e do të vrisnin veten dhe kombin e vet, nëse do të dorzonin armët.

E vërteta është që shqiptarët në IRJM kanë mbetur në dorë të hasmit. Ata nuk ka kush t'i mbrojë. Pushteti, që e ka për detyrë t'i mbrojë, jo vetëm nuk i mbron, por ka dhënë prova të shumta se është armiku i tyre numër një, i interesuar për asimilimin, shfarosjen, shpernguljen etnike dhe gjenocidimin e tyre. Perëndimi, që hyri dorëzan për t’i vënë kapakun kryengritjes shqiptare, ka zgjedhur vijën e rezistencës më të vogël, atë të durimit, mirëkuptimit e arsyetimit kundrejt diskriminimit antishqiptar, në vend se të luftimit të tij. E si t’i bindësh ahere shqiptarët që u dashka të dorëzojnë armët!?

Prandaj, në IRJM është lehtë t’i kuptosh ata që porosisin shqiptarët që armët t'i mbajnë dhe t'i ruajnë si sytë e ballit, qoftë edhe duke sakrifikuar; në këtë situatë, ata i shikojnë armët si e vetmja vetmbrojtje për të ekzistuar si komb.

Kjo thirrje forcohet edhe më nga ligështia e dukshme e pushtetarëve shqiptarë në konfrontim me nacionalizmin zyrtar sllavomaqedonas. Në raste të njëpasnjëshme, klika Ahmeti-Buxhaku-Xhaferi-Ostreni ka dëshmuar se nuk janë në gjendje të mbrojnë as veten e tyre, jo më të mbrojnë shqiptarët që jetojnë në trojet e tyre nën IRJM.

Në fakt, kjo klikë, veç premtimeve boshe, asgje tjetër s’u dha shqiptarëve. Duket qartë që ajo nuk ishte dhe nuk është në gjendje të shërojë asnjë plagë të vetme nga lufta. Ç’është më keq, ata sot urrehen edhe prej shumë ish-luftëtarëve, që hidhërohen se si e futën popullin e vet në aventurën e luftës, e tani i ndihmojnë maksimalisht pushtetit sllavomaqedon që t'i mbajë të shtypur, të shfrytëzuar, e të varfëruar shqiptarët. Çarshia e Bit Pazarit thotë sot haptazi, se ata janë bërë më katolikë se papa për të ruajtur IRJM-në, vetëm e vetëm që të mos u hedhi dorën në zverk Karla Del Ponte.

Shqiptarët në IRJM e kanë kuptuar mire tashmë këtë gjë. Çdo ditë që kalon edhe më mire do e kuptojnë. Shqiptarët, mjerisht, gjersa pushteti mbetet i hasmit e Perëndimi vazhdon të flejë, te armët e kanë aleatin e vetëm që i mbron. Kurrë të mos e harrojmë këtë.