Perspektivë e shkëlqyer për kombin shqiptar

Më në fund pas shumë tragjedive që i solli kombit tonë ky shekull që po e lëmë pas,viti i fundit i lamtumirës i krijoi perspektivë të shkëlqyer për realizimin e aspiratave të tij shekullore, çlirimin dhe bashkimin e tij kombëtar , për të jetuar i lirë dhe i barabartë në familjen e madhe të popujve të Evropës Perëndimore,siç i ka hije një populli të lashtë dhe fisnik siç është populli shqiptar.

Edhe në të kaluarën, rrjedhat historike ndërkombëtare, kombit tonë i krijuan kushte të favorshme për arrijtjen e qëllimeve të tij madhore, por udhëheqjet e tij bën gabime dhe faje të rënda, duke mos ditur të luanin lojra politike, për t`i amortizuar goditjet e hapta e tinzare të armiqve tanë shekullor,me anë të strategjive dhe taktikave të përpunuara mirë, për të përfituar përkrahjen e aleatëve tanë të natyrshëm dhe për të përfituar miq dhe aleatë të rinjë.Çka është më e keqja, udhëheqjet dhe prijësit shqiptarë në momentet më vendimtare, kur vendosej për fatet e atdheut të tyre, jo që nuk kishin një strategji dhe taktikë veprimi, por as nuk kishin një gjuhë të përbashkët të politikës ditore, sepse ishin të ndarë e të përçarë për interesa e inati personale apo për bajraktarizëm dhe kështu u lehtësonin punë armiqëve tanë për realizimin e planeve të tyre djallëzore për të gllabëruar krahina të tëra shqiptare. Fatkeqësisht edhe udhëheqjet aktuale të Shqipërisë dhe të Kosovës janë duke ndjekur të njëjten rrugë të paraardhësve të tyre. Ndarjet dhe përçarjet e tyre për interesa partiake, klanore dhe personale e rrezikuan kombin tonë më tepër se kurrë më parë. "Revolucioni i vonuar demokratik" i Shqipërisë dhe shpërngulja masive e shqiptarve me dhunë nga Kosova gjatë këtij viti, ishin realizime të skenareve të përgatitur mirë nga armiqët tanë serbo-grek me aleatët e tyre, për ta goditur për vdekje kombin shqiptar, për të mos pasur kurrë më mundësi të ngrihet në këmbë.Vetëm mrekullia e të Madhit Zot na e shpëtoi Shqipërinë nga më e keqja në vitin 1997, dhe sivjet na e shpëtoi Kosovën nga shkijet gjakatarë me anë të NATO-s, për të mos pësuar siç pësuan më parë Toplica me Çamërinë. NATO-ja ia dha dajakun e merituar barbarëve shkje duke i detyruar të ikin nga kanë ardhur me bisht për këmbë. Këto ditë ajo po e realizon premtimin e burrave të mëdhenj të Qendrave të vendosjes ndërkombëtare zotrinjëve B. Clinton, T. Blair, J. Chirac, H. Solana, R. Cook, W. Clark, J. Shea,etj. ,për t`i kthyer shqiptarët e përzënë nga barbarët serb nëpër shtëpitë e tyre në Kosovë dhe për të siguruar paqe, liri, siguri dhe përparim këtij populli martir e krenar. Ndërsa udhëheqja politike dhe ushtarake e Kosovës edhe pas gjithë kësaj çka ka ndodhur në vitet e fundit, edhe pas gjithë këtyre tragjedive që përjetoi populli ynë, ende nuk u vetëdijësuan për domosdoshmërinë e lënjes anash të përçarjeve dhe ndasive, që ata i krijuan për qëllime karrjeriste. Situata tragjiko-komike e krijuar sot në Kosovë me dy 'qeveri' është fryt i punës disavjeçare të karrjeristëve të sëmuarë për pushtet dhe përkrahësve të tyre pakurrizorë.

NATO-ja pasi na e çliroi Kosovën, Qendrat e vendosjes ndërkombëtare vendosën protektoriat ushtarak dhe civil në Kosovë për një kohë të pacaktuar, dhe kështu, i penguan kacafytjet e drejtëpërdrejta për pushtet në mes dy taboreve kundërshtare, atyre që i njohin institucionet shtetërore të krijuara më parë dhe atyre që s`i njohin ato. Të dya këto forca i dërguan " qeveritë " e tyre në Prishtinë për të zënë pozita sa më të rëndësishme,duke u legjimituar si njëra si tjetra tek zyrtarët e OKB-së dhe komandantët e NATO-s qeveri 'legjitime',njëra e Kosovës e tjetra e Republikës së Kosovës dhe pse qysh me kohë faktori i jashtëm është shprehur se nuk e njohin as njërën, as tjetrën qeveri por Delegacionin e Rambujes, që përfaqësonte pothuajse të gjitha subjektet e Kosovës. Siç dihet, karrjeristët gjejnë njëqind mënyra për të ardhur në pushtet, prandaj po bëjnë gara në "mes vedi", se cili do të bëhet robot më i mirë për të përfituar besimin e faktorit ndërkombëtar për të zënë pozita udhëheqëse në protektoriatin civil të Kosovës. Ky veprim i tyre i papërgjegjshëm do t`i sjellë dëme të mëdha zgjidhjes së drejtë të çështjes së Kosovës, prandaj opinioni ynë dhe intelektualët e mirëfilltë nuk guxojnë të rrijnë duarkryq dhe të bëjnë sehir para këtyre dukurive të shëmtuara, që aq shumë dëme do të na sjellin. Po qe se vazhdon edhe mëtutje lufta për pushtet në mes dy taborreve kundërshtare në këtë mënyrë, duke mos zgjedhur mjete, perspektiva e pavarësisë së Kosovës do të rrezikohet dhe gjaku i dëshmorve dhe i mijëra të masakruarve do të shkonte huq, siç ka shkuar shumë herë më parë, për fajin e udhëheqjeve dhe prijësve shqiptarë të ndarë e të përçarë. Vetëm po qe se shqiptarët bëhën të mençur dhe nxjerrin një udhëheqje autoritative, e cila nuk do të ishte e kompromentuar me afera të ndryshme politike, dhe e cila e ka besimin e faktorit të brendshëm dhe atij ndërkombëtar, që do ta quanim: Qeveri e Përkohshme Teknike e Republikës së Kosovës, siç nxjerrin edhe shtetet e Evropës demokratike në situata krizash politike, e cila do të jetë e përbërë prej njerëzve pa parti dhe profesionalisht të përgatitur mirë, për përballimin e krizës udhëheqëse-organizative dhe për përgatitjen e zgjedhjeve të lira e demokratike në Kosovë.

Deri sa shqiptarët nuk e njohin njëri - tjetrin,duke treguar tolerancë,mirëkuptim dhe bashkëpunim vëllazëror me njëri tjetrin për të mirën e përbashkët, nuk duhet pritur nga Qendrat e vendosjes ndërkombëtare të na njohin, të na respektojnë, të na mirëkuptojnë dhe të na ndihmojnë sinqerisht, pasi që, një përkrahje dhe ndihmë të tillë as që do ta meritonim në këtë gjendje të kaosit të plotë politik dhe organizativ që jemi. Institucionet shtetërore nuk formohen duke përjashtuar dhe injoruar subjekte, institucione shtetërore dhe personalitete që kontribuan në ndërkombëtarizimin e çështjes së Kosovës, që ndikuan në Qendrat e vendosjes ndërkombëtare për ta ndihmuar popullin tonë në kauzën e tij të drejtë, që ndikuan në SHBA -të dhe aleatët e saj të na ndihmojnë për t`i shkëputur prangat e robërisë.

Vetëm po qe se dimë t`i ndërtojmë institucionet shtetërore të Kosovës gjatë kësaj faze kalimtare të prorektoriatit ushtarak dhe civil ndërkombëtar në mënyrë plotësisht demokratike, duke e lënë të vendos vota e lirë e popullit se kush do ta udhëheq Kosovën, do ta tregojmë vetveten se jemi popull shtetformues dhe i pjekur për ta udhëhequr shtetin, të aftë për të qeverisur me mjetet e shtetit ligjor demokratik, prandaj edhe përkrahja e aleatëve tanë të respektuar SHBA-të NATO-ja, Britanija e Madhe, Gjermania e shtete tjera të aleatëve të SHBA-ve nuk do të mungojnë. Kosova do të bëhet shtet i pavarur! Shqiptarët do ta gëzojnë lirinë! Shqipëria do t`i flakë spiunët serbo-grek nga institucionet e tij shtetërore dhe do të udhëhiqet nga forcat e shëndosha kombëtare. Edhe bashkëkombasve tanë që jetojnë në viset e tyre në Maqedoni, Greqi, Serbi dhe në Mal të Zi do tu sigurojmë kushte dhe perspektivë që tu bashkangjiten dy shteteve shqiptare dhe pastaj në kushte të favorshme ta bëjmë Shqipërinë etnike,që ishte dhe është qëllimi më madhor i popullit tonë.

Shefqet Jashari-Strofci