Greqia kërcënon Shqipërinë me destabilizim

Papandreu: Në rast se nuk tretet ëndra e shqiptarëve për Shqipërinë e Madhe, atëhere Shqipëria do të destabilizohet"

Ministri i Jashtëm grek, Papandreu ka kërcënuar Shqipërinë me destabilizim.Këtë deklaratë kërcënuese ministri i Jashtëm i Greqisë e ka bërë gjatë një interviste dhënë për gazetën më të madhe greke, "Ta Nea". Sipas Papandreut, "në rast se nuk do të tretet ëndra e shqiptarëve për një Shqipëri të madhe, atëhere Shqipëria do të destabilizohet."Paralajmërimi grek bëhet në një kohë kur Shqipëria është e interesuar më shumë se kurrë për stabilitet politik dhe ekonomik dhe në një kohë që vendi po përgatitet të përmbushë kushtet e vendosura nga komuniteti ndërkombëtar për të përfituar ndihmat në kuadër të paktit të stabilitetit për Ballkanin.

PËR MË SHUMË >>>

A do të jetë shqiptar nënkryetari i Maqedonisë?

Zgjedhjet presidenciale në Maqedoni

Për Maqedoninë ky është vit zgjedhor sepse në vjeshtë ajo duhet të zgjedh kryetarin e shtetit. Fushata parazgjedhore është para nisjes ndërkaq po bëhen përgatitjet e fundit për harmonizimin e rregullativës ligjore. Zgjedhjet presidenciale për bllokun maqedonas janë shumë të rëndësishme për të legjitimuar politikën e tyre, përkundër asaj se kryetari i shtetit në Maqedoni nuk ka kompetenca të mëdha në praktikimin e pushtetit. Por, as blloku shqiptar nuk është i painteresuar për këto zgedhje edhepse dihet që kandidati shqiptar nuk ka shansa teorike për t'u zgjedhur kryetar. Kombinimet zgjedhore tashmë kanë filluar. Partia shqiptare në pushtet e Arbër Xhaferit e ka lansuar idenë për nënkryetar të shtetit, i cili do t'u takonte shqiptarëve, ndërkaq partia opozitare e Abdurrahman Halitit thotë se do të ketë kandidatin e saj në zgjedhje, edhepse nuk kundërshton idenë për nënkryetar shqiptar.